2014 Rhif 1186 (Cy. 115)

iechyd planhigion, cymru

Gorchymyn Iechyd Planhigion (Cymru) (Diwygio) (Rhif 2) 2014

NODYN ESBONIADOL

(Nid yw’r nodyn hwn yn rhan o’r Gorchymyn)

Mae’r Gorchymyn hwn yn diwygio Gorchymyn Iechyd Planhigion (Cymru) 2006 (O.S. 2006/1643 (Cy.158)) (“y prif Orchymyn”).

Mae erthygl 3(1) yn gwneud darpariaeth i wahardd person rhag glanio planhigion Ulmus L. yng Nghymru, a fwriedir ar gyfer eu plannu, sydd wedi eu tyfu neu yr amheuir eu bod wedi eu tyfu mewn Aelod-wladwriaeth arall neu yn y Swistir, oni hysbyswyd arolygydd awdurdodedig mewn ysgrifen ymlaen llaw.

Mae erthygl 3(2) yn gwneud darpariaeth i’r hysbysiad mewn ysgrifen sy’n ofynnol o dan erthygl 19(7) o’r prif Orchymyn gynnwys enw’r wlad y mae’r planhigion wedi eu hanfon, neu i'w hanfon, ohoni.

Mae erthygl 4 yn dileu’r darpariaethau yn y prif Orchymyn ynglŷn â’r organeb Diabrotica virgifera virgifera Le Conte er mwyn rhoi’r canlynol ar waith—

(a)     Cyfarwyddeb Gweithredu’r Comisiwn 2014/19/EU sy’n diwygio Atodiad I i Gyfarwyddeb y Cyngor 2000/29/EC ynghylch mesurau diogelu yn erbyn dod ag organebau i’r Gymuned sy’n niweidiol i blanhigion neu gynhyrchion planhigion ac yn erbyn eu lledaenu yn y Gymuned (OJ Rhif L 38, 7.2.2014, t.30); a

(b)     Penderfyniad Gweithredu’r Comisiwn 2014/62/EU sy’n dirymu Penderfyniad 2003/766/EC ynghylch mesurau brys i atal Diabrotica virgifera virgifera Le Conte rhag lledaenu yn y Gymuned (OJ Rhif L 38, 7.2.2014, t.45).

Ystyriwyd Cod Ymarfer Gweinidogion Cymru ar wneud Asesiadau Effaith Rheoleiddiol mewn perthynas â’r Gorchymyn hwn. O ganlyniad, barnwyd nad oedd yn angenrheidiol gwneud asesiad effaith rheoleiddiol o’r costau a’r buddion sy’n debygol o ddeillio o gydymffurfio â’r Gorchymyn hwn.

 

2014 Rhif 1186 (Cy. 115)

iechyd planhigion, cymru

Gorchymyn Iechyd Planhigion (Cymru) (Diwygio) (Rhif 2) 2014

Gwnaed                                      6 Mai 2014

Gosodwyd gerbron Cynulliad Cenedlaethol Cymru       8 Mai 2014

Yn dod i rym                              31 Mai 2014

Mae Gweinidogion Cymru yn gwneud y Gorchymyn a ganlyn drwy arfer y pwerau a roddwyd gan adrannau 2 a 3(1) o Ddeddf Iechyd Planhigion 1967([1]).

Enwi, cychwyn a chymhwyso

1.—(1) Enw’r Gorchymyn hwn yw Gorchymyn Iechyd Planhigion (Cymru) (Diwygio) (Rhif 2) 2014.

(2) Daw’r Gorchymyn hwn i rym ar 31 Mai 2014.

(3) Mae’r Gorchymyn hwn yn gymwys o ran Cymru.

Diwygio Gorchymyn Iechyd Planhigion (Cymru) 2006

2. Mae Gorchymyn Iechyd Planhigion (Cymru) 2006([2]) wedi ei ddiwygio fel a ganlyn.

 

Erthygl 19 (gwahardd glanio plâu planhigion a deunydd perthnasol)

3.—(1) Yn lle paragraff (6) o erthygl 19([3]), rhodder—

(6) Paragraph (7) applies to—

(a)   plants of Castanea Mill., Fraxinus L., Pinus L., Platanus L., Quercus L. or Ulmus L. intended for planting, which have been grown or are suspected to have been grown in another member State; or

(b)   plants of Castanea Mill., Pinus L., Platanus L., Quercus L. or Ulmus L. intended for planting, which have been grown or are suspected to have been grown in Switzerland and to which the requirements of article 6 do not apply..

(2) Yn lle paragraff (8) o erthygl 19([4]), rhodder—

(8) The matters are—

(a)   the intended date of introduction of the plants;

(b)   their intended destination;

(c)   the quantity of the plants;

(d)   their genus and species;

(e)   the producer’s identification number; and

(f)   the country from which they have been, or are to be, consigned..

Diabrotica virgifera virgifera Le Conte

4.—(1) Hepgorer Rhan 7A([5]) (parthau rheoli at ddibenion iechyd planhigion).

(2) Yn Rhan B (plâu planhigion y gwyddys eu bod yn digwydd yn yr Undeb Ewropeaidd) o Atodlen 1([6]), hepgorer eitem 1a o dan y pennawd “Insects, mites and nematodes”.

 

 

Alun Davies

Y Gweinidog Adnoddau Naturiol a Bwyd, un o Weinidogion Cymru

6 Mai 2014